開心韓國濟洲Pre-wedding 一日
一直都好想喺個充滿大自然靚景嘅地方影PreWedding 喺好多朋友介紹同埋上網做research比較唔同嘅公司之後就揀咗好多人推介嘅Fairytale wedding
我哋好早喺五月就已經book咗下一年濟洲三月櫻花季嘅時候嘅日子，Book之前Fairytale嘅Hena都好細心解答我哋所有問題亦都好清晰令我知道要準備啲咩去影pre wedding。出發之前佢哋都會同我哋了解吓我哋想去嘅地方 仲會計劃晒一個路線比我哋。出發前一個星期都會同我哋講要注意啲咩。
當日大約9:30到, Fairytale嘅翻譯就已經好早過嚟去到酒店門口接我哋去studio試衫同埋化妝。第一站就係先去到試男士嘅服裝，hena一直都好耐心咁樣同我哋翻譯令到我十分滿意自己嘅配搭。之後我哋出發去化妝，hena一直好耐心幫我哋翻譯表達到我哋想要嘅化妝效果同埋男士嘅髮型要求、成個過程都10分順利，出到黎個效果都好滿意。因為差唔多到下午嘅時間，hena仲去買咗啲嘢食同埋飲品比我哋，之後隨行助手就跟埋我哋上車一齊出發去第一個地方。
拍攝開始我哋去到第一個地方牧場，當日天氣十分好，去到遇到攝影師，已經準備好幫我哋影相，一路影相一路都會提我哋要有咩表情同埋動作，令到成個影相出嚟嘅效果都好好，佢不斷同你講你需要做嘅動作，Hena就一邊翻譯，我哋當日勁大風隨行助手都會不斷幫我哋補妝同埋整理頭髮，超級貼心。之後我哋去到草地海邊嘅地方，雖然天氣越嚟越凍我哋兩個嘅表情越嚟越僵硬，但Hena一直鼓勵我哋，最後成日過程都影得好順暢。最後都好快收到相 啲相都好好我哋都揀咗一段時間十分多謝fairytale ，完全冇後悔揀咗佢哋甚至會介紹俾其他朋友🥰🥰
原文出處: 婚享同學會 Wedding Union