·
本身好煩惱Pre wedding係邊度影，係香港影除了貴之外，又要再搵化妝同埋租婚紗，好似好麻煩咁。之後睇到Fairytale wedding韓國婚紗攝影可以包曬化妝、婚紗、翻譯同埋攝影，最重要係D相好靚[好重要!!!] 所以我地就揀了佢地，因為我同未婚夫都比較喜歡大自然，所以就揀了一年四季都有唔同花既濟州啦~~~
去之前一星期見到拍攝當日的天氣應該唔好，仲好擔心，但因為濟州既天氣比較飄忽，要當日先知係點。但客服果邊話到時如果真係拍攝時間降雨量超過5mm 我哋可以安排改前或改後一日拍攝。
拍攝當日流程: 早上8:00左右我地係酒店大堂等，翻譯首先接我地去揀男士既禮服，大概揀了15分鐘左右試了3套左右就已經揀到我地心水既顏色，佢係包埋Tie and bow tie set 有幾隻色比人襯。如果想加馬甲要加80蚊，我地都加了錢。
之後就去化妝間，我地揀202攝影師，佢有指定既化妝間，好大好寬敞。因為前一星期Fairytale已經了化妝既一D參考圖我地，叫我地揀定一D心水既妝容，果日我就比咗幾張圖佢地睇，然後翻譯又會幫我解釋下我想要既妝係點樣，髮型果度我都無咩idea, 佢地都比了好專業既意見我。化妝同髮型有一段時間係同步做野, 好快手。化完妝出黎見到我未婚夫真係嚇咗一跳, 以為見到連續劇入面D Oppa , 成個人都煥然一新。
原文出處: 婚享同學會 Wedding Union