所有想去韓國/濟州影婚紗相嘅情侶，都一律建議搵fairytale wedding🤣真係超級滿意！
我哋嘅婚紗相係好想影自然嘅風格，影低同對方互動珍貴嘅時刻(韓國依家勁流行🥹)，唔想太一式一樣嘅罐頭相/老土pose(好多出名嘅公司嗰啲🤧)，原本以為無辦法搵到，直到有日係ig search到fairytale佢哋🥹真係好感恩！佢哋所有野都好好！
由初初接觸問details，package，所有我哋都唔熟嘅野，佢哋都好細心同有耐性咁一一答到，所以好快我哋都即刻好放心簽約落訂。(佢哋會有晒reminder同reference等等)
到當日影相，負責人即係翻譯Hena(超好人)佢好準時已經到達我哋酒店接我哋，一路上佢都會同韓國嘅員工溝通再翻譯比我哋聽，真係唔洗擔心言語不通嘅問題🤣 同埋佢一直都係我哋身邊，管理好晒所有野
婚紗同禮服選擇好多！ 仲要係好韓好氣質嘅款式，最後係忍唔住加錢租多咗一套影 而化妝師同髮型師都經驗十足，即刻化咗個韓妝出嚟🥹 連男朋友都化到變咗韓仔好勁
之後搞掂晒就出去影相了同行會有翻譯Hena、攝影師、化妝助手、女司機(依樣真係不得不讚fairytale好貼心，因為會係車換裙，佢哋係特意揀咗女司機🥹)
我哋先係studio影相(pkg追加)，初初我哋都好怕鏡頭同好生硬、怕好尷尬，但因為攝影師係個好funny嘅人佢好快就幫我哋warm up咗，不停引我哋笑，教晒我哋應該點影，跟住做就ok🤣最後我哋都好放鬆好自然咁影
到外景會有四個地方左右，因為我哋當日遺憾地落雨，所以全程都擔住遮影咁制，仲好凍，不過好好嘅係，Hena、化妝助手都會照顧好我哋先🥹🫶好warm!! 攝影師都會爭取時間盡快影，等我哋唔好揼雨同凍親🥹同佢真係好專業 係好快手已經捕捉晒想要嘅感覺同影出嚟真係好自然流露(揀咗5張最愛嘅相同大家分享🫶<<原圖未執)
想講雖然當日落雨，但因為濟州落雨的話，個天都唔會好黑，都有落雨嘅靚，影出嚟嘅相都好有feel，仲反而令我哋覺得係更加難忘嘅回憶🥹🫶
最後發現自己打咗太多字好誇張(但其實我已經盡量縮減咗🤣) 但真係覺得好滿意！係好幸運遇到fairytale wedding! 可以話一站式滿足晒想要嘅嘢！亦好感謝佢哋！令我哋有輯完美嘅婚紗相🫶係一世美好嘅回憶
利申返 非打手
仲有 我哋揀嘅係jeju 202攝影師啲相機色好靚！
原文出處: 婚享同學會 Wedding Union