·
上個月終於完成左首輯婚紗相拍攝，上網睇左唔少資料，最後決定左搵Fairytale Wedding 幫手，到韓國濟州島影婚紗照。人生大事難免會好緊張，好在全程都感受到工作團隊嘅專業，令我地成個拍攝過程都係好安心、放鬆嘅情況下完成️
搵Fairytale Wedding嘅其中一個原因係佢哋覆message 好快，所有細節都清清楚楚，包司機、化妝、翻譯、助手、婚紗、髮型，無任何隱藏收費，唔會話要逐張相計錢。同埋拍攝當日真係一條龍服務，早上翻譯同司機先到酒店車我地去化妝sudio，係入面化妝同埋揀婚紗。婚紗嘅款式都算多，總會揀到自己喜歡嘅style。
然後就出發到4個自選場地影相，我地揀左海邊、草地、油菜花同埋蘿蔔花，四個景都超級靚，一大片花海好療癒，係香港唔會影到嘅效果。成個package包埋換兩套婚紗、三個髮型，好多變化。同埋助手真係好盡責、專業，佢係搭車去下一個景點期間不停幫我整新髮型，同埋手勢好好，絕不馬虎，幾個髮型我都好滿意。另外，我地影相期間，因為攝影師係韓國人，所以隨行都會有香港翻譯幫手，全程幫我地翻譯返攝影師嘅要求，亦會提我地某些動作表情嘅角度，令我地無咁緊張。
出發前仲好擔心會落雨、陰天，好在當日天氣好好，藍天白雲，但都比較熱，太陽暴曬。影左大半日相，不過又唔算好辛苦，可能因為每個地方停留嘅時間唔算好長，攝影師都好有經驗，識得帶我地擺姿勢。加上助手同埋翻譯都會在場幫我地整理裙擺、拎道具，我地好似做左一日model咁，呢個體驗好難忘:) 真係強烈建議係春天到濟州島影婚紗相，收到d靚相真係會好開心。
最後分享幾張呢次影嘅靚相先（未特別精修，都覺得超靚了）：
原文出處: 婚享同學會 Wedding Union