·
一直都好想係海外影多一輯婚紗相，之前係香港影完一輯戶外之後覺得影戶外好攰，然後俾我搵到Fairytale Wedding。佢地專門幫客人係韓國影prewedding，我地覺得係首爾影Studio會輕鬆好多，所以就揀左佢地影韓國婚紗攝影。
由一開始既聯絡，到中期拍攝，再到後期製作，負責人Hena都跟得好好，態度友善又好貼心。
佢地有幾個Studio揀，亦有一日／兩日Plan可供選擇。而我因為行程比較趕急，所以揀左性價比高既一日plan。
我揀左Studio102，當日Hena會去地鐵站接我地行幾分鐘到Studio，然後同男朋友分頭化妝同揀婚紗禮服。全程Hena都會陪住我地身邊幫我地翻譯。婚紗款式唔算太多，但試左幾件之後發現件件上身都好靚，而且工作人員仲會幫我為每件婚紗配唔同配件，令到同一件婚紗影相時可以有唔同效果，例如背心／短袖／長袖／變魚尾。化妝師亦好專業，幫我化左個大地色系既韓式妝，好好睇。佢地亦有大量飾物以供選擇。
攝影師係韓國人，但佢會用英文俾指示，加上Hena既翻譯，我地好輕鬆咁擺出唔同動作同表情，整個拍攝過程都好開心。當日溫度接近0度，影到天台真係好凍，但每影完一個地方，工作人員都會即刻拎件厚毛毛外套俾我保暖，非常貼心。仲可以加錢影夜景，夜景配合燈光影出黎真係有截然唔同既感覺。
執相同油畫相簿既制作都好順利，從來唔會出現唔應機／無交帶既情況。如果大家都想去韓國影prewedding，推薦大家搵Fairytale Wedding，佢地有影首爾同濟州既婚紗相，亦有戶內同戶外可以揀，性價比相當高，我同我男朋友全程都好滿意。
原文出處: 婚享同學會 Wedding Union