·
由開始籌備婚禮已經決定咗會去濟州島影婚紗相，喺IG同新娘WhatsApp group篩選咗好耐，綜合各方面影相style同package性價比之後，最後選擇咗Fairytable Wedding 公司去影我人生第一輯婚紗相
其實出發之前都非常之緊張，會擔心天氣狀況要揀啲咩裙set咩頭要擺咩post，10萬個問題喺個腦入邊轉，但係Fairytable Wedding非常之好，所有大大小小問題都係WhatsApp好有耐性同我溝通，去到出發當日，真係好Lucky天氣好好，所有擔心嘅嘢都冇發生，因為事前冇得試妝，原本都好擔心同化妝師嘅溝通，但係去到坐低就知道擔心係多餘，首先會有個廣東話翻譯Hena跟我哋全日，而且化妝姐姐化妝手法非常純熟，大概50分鐘就已經完成晒化妝頭髮，一站式揀埋婚紗晚裝，過程都試咗七條裙(預先都會俾定化妝室嘅IG ，預先睇定幾款心水)，另外化妝室好多鮮花道具任君選擇，就算兩手空空去都唔使擔心🫶
當日中午開始影到黃昏總共四個景點，我就揀咗當季嘅蘿蔔花，八重櫻花，森林同海邊，當日負責嘅係女攝影師，化妝姐姐，翻譯同司機，佢哋除咗好熟流程之外，亦都比到好多情緒價值係咁讚我同埋靚🫣🤣 keep住拍攝嘅氣氛歡樂，令我同另外一半越影越放鬆，尤其係盛讚Hena當日嘅幫手，擔心我哋肚餓買定嘢食擺喺車，時時刻刻關注我哋嘅狀況同情緒，當日keep住用手機影低我哋嘅花絮，等我哋夜晚返去可以即刻睇返啲相同片而且質素都好高，可以即刻原圖直岀Post IG Story 🤣
影完之後大概八日就已經收到晒所有原圖同埋10張攝影師精修，效率非常之高，好期待之後收到餘下嘅精修相，總括而言，我同另外一半對於今次濟州Pre Wedding之旅真係非常滿意
原文出處: 婚享同學會 Wedding Union