韓國濟州 pre-wedding 極力推薦Fairytale wedding!!

上網睇左好多關於濟州島婚攝既資料，無意中喺IG見到Fairytale wedding，覺得佢地嘅作品好靚影得好自然，加上價錢又合理，所以最後揀左Fairytale wedding 。

起初都有少少擔心，因為Fairytale wedding 比起其他韓國婚攝公司既ig post無更新得咁密。雖然佢地ig post唔多，但睇左咁多間婚攝公司唔同攝影師嘅作品，特別鐘意佢地公司嘅攝影風格，同埋好鐘意佢地嘅一條龍服務，成個攝影package我地都唔需要去煩惱任何事。出發前佢地會同我地傾左拍攝風格同地點先，然後又會幫手安排埋鮮花同汽球同時再三提醒我地要帶咩野同有咩預備。

拍攝當日翻譯Hena 準時到達酒店接我地去揀禮服同去化妝室化妝同試婚紗。婚紗禮服嘅選擇好多，可以試到岩為止!跟住就係化妝同set頭，工作室嘅化妝師好細心同專業。第一次嘗試韓妝我地都好滿意🥰。全靠Hena 一直係旁邊幫手翻譯同比意見，所有野都好快同順利完成。仲有一件好窩心嘅事就係，喺化妝set頭期間，Hena 擔心我地之後拍攝會肚餓，買左啲飯團同咖啡比我地補充定體力。

化完妝休息左陣就出發去事前傾好既場地影相，過程中助手姐姐一直幫手整理我地既髮型同服裝，有時仲會幫手比意見用咩飾物襯啲。韓國攝影師同Hena 都好識搞氣氛，攝影師仲會親自教我地點擺post，成個拍攝過程都好流暢，好順利咁完成左拍攝。

完成拍攝之後唔夠一個星期，就已經收到當日影嘅全部相（過千張相!!），比想像中快好多，睇過啲相即使未修圖，全部都好靚，啲光線捕捉得好好，好滿意🥰。

係度想多謝Fairytale wedding 當日有份招呼我地嘅人，Hena、禮服&化妝室職員、攝影師哥哥、助手姐姐同司機姐姐，全部人都好nice同專業，好多謝佢地令我地當日拍攝咁順利。真心推薦比就黎要影pre-wedding既準新人。

原文出處: 婚享同學會 Wedding Union