·
我哋今次就揀咗Fairytale Wedding作為我地影prewedding嘅公司，公司負責人Hena好有效率，回覆得好快，佢哋公司嘅網頁好詳細列出唔同攝影師嘅攝影風格，再加參考圖片，所以我哋今次就揀咗作家207作為我哋嘅攝影師，出到嚟個結果我哋都好滿意！！
出發前一個星期前，Hena會提醒我哋當日嘅注意事項同埋選擇我哋想要嘅拍攝場景～同時我哋都可以send參考圖片比佢哋，俾攝影師大概知道你想要嘅風格。
正式影相嗰日，Hena首先帶我哋到化妝室化妝同埋揀婚紗，化妝師係韓國人，如果語言不通，Hena亦都會幫手翻譯。化妝師都好有經驗，同時助手姨姨亦都會一路從旁幫手補妝，轉換髮型等等。
試好裙化好妝之後就正式出發去影相，一開頭我哋都好尷尬，但係攝影師會不斷教我哋擺唔同嘅pose，引我哋笑，每次影完之後都會俾我哋睇吓成品，我哋都好滿意。
拍攝後只係過咗一星期我哋就已經收到多過2000張原圖，超級有效率！非常滿意今次Prewedding嘅體驗，誠意向大家推介Fairytale Wedding!!
原文出處: 婚享同學會 Wedding Union