·
##**點解會揀去巴黎影相？**
其實我同另一半都唔係特別浪漫嘅人，但諗起結婚一生人一次，就膽粗粗決定飛去巴黎影輯特別嘅婚紗相。一直都好鍾意一間韓國攝影公司嘅拍攝風格，覺得佢哋影得好靚。但由於唔識韓文拍同攝影師溝通唔到，所以就想搵中介公司幫忙，咁啱喺IG見到原來Fairytale Wedding除咗做韓國婚攝之外，亦都有做巴黎婚攝，仲要係同我做鍾意嘅攝影公司一直合作開！簡直完美！！所以我就二話不說請Fairytale幫我安排一系列婚攝流程。
## **拍攝日嘅小故事**
巴黎五月入夜時間比較遲，當日晏晝五點先化妝，化妝師係位好溫柔嘅韓國姐姐，佢幫我化咗個好靚、好透薄嘅妝。攝影師亦都好好會主動教我哋做唔同嘅姿勢，令到我哋影出嚟嘅相都好自然，唔會好生硬。攝影師同翻譯姐姐亦都會提供滿滿嘅情緒價值，不斷讚好靚，令到成個拍攝過程氣氛都好輕鬆同愉快。當日係4小時拍攝，四個鐘聽落好似好少咁，但其實都好足夠，影咗好多個場景，有：特羅卡德羅廣場、塞納河畔、比爾哈凱姆橋、羅浮宮同巴黎鐵塔夜景等等。張張相都影得好靚🥰
## **影完先明白嘅事**
- 原來最靚嘅相通常都係最唔經意嗰幾張
- 韓國團隊真係好識得捕捉光線，黃昏同夜晚嘅相特別有feel ～
**#巴黎婚紗相 #韓國攝影團隊Fairytale Wedding #我哋嘅小故事**
（後記：最後發現原來最貴唔係拍攝，而係忍唔住買多咗幾張精修相...）
原文出處: 婚享同學會 Wedding Union