·
嗰日真係凍到震，天陰陰仲要吹大風，我地兩個仲擔心會落雨添。不過一見到Fairytale wedding韓國既攝影師同佢個團隊，即刻成個人都精神晒！
攝影師真係好pro，對住個外景場地熟到好似自己後花園咁。佢帶我哋去咗幾個靚位，每個角度都計到好準，就算天氣唔好都識得搵到最靚嘅光線。佢教我哋擺pose好有耐性，連手指尾點放都教到足，搞到我哋兩個成個model咁款。
最貼心係佢個助手，成日走嚟幫我整理頭紗，我哋凍到鼻哥紅晒，佢仲即刻遞上暖包同熱飲，真係好細心！
雖然凍到騰騰震，但佢地成team人都好落力。佢哋唔怕污糟，成日趴喺地下影相，就係為咗搵到最靚嘅角度。見到佢哋咁專業，我哋都打醒十二分精神配合。
最後收到啲相真係靚到癲！將陰陰天影得浪漫到爆，連我哋凍到僵硬嘅笑容都捕捉得好自然。真係好多謝佢哋，就算天氣咁差都幫我哋係韓國影到咁完美嘅婚照，呢個經驗真係一世難忘！如果想係韓國影婚紗攝影既大家不妨搵Fairytale wedding!
原文出處: 婚享同學會 Wedding Union