·
影一輯韓國pre wedding係我一個小心願，做左好耐功課終於搵到Fairytale Wedding ，因為係一個價錢全包攝影服裝化妝翻譯同接送，岩晒我呢啲懶人，淨係帶個人去現場就可以喇哈哈！
由前期查詢到拍攝後，Hena全程都有問必答而且快又詳細，拍攝前仲會好細心提住我地注意事項，拍攝當日仲準備埋紫菜包飯比我地，實在太窩心。
仲要多謝化妝姐姐、助手姐姐同攝影師哥哥，因為我同男朋友都係慢熱同肢體僵硬既飯團，佢地全情都好熱情熱心咁幫我地又揀衫set頭又指導動作。當日拍攝氣氛好輕鬆愉快，每一個場景都好順利又快速咁完成拍攝。拍攝完原來佢地仲影埋側拍，真係好驚喜！
好慶幸自己揀左Fairytale 影呢一輯婚紗相，遇上既每一位都好友善專業，係一次非常特別又難忘既體驗哈哈～
原文出處: 婚享同學會 Wedding Union