一直都好中意韓風 所以Pre Wedding 好想比人影到成個韓妹咁
開頭係Youtube 睇到好多唔同韓國Pre Wedding
問左幾間覺得Fairytale Wedding Package 好吸引
加上Hena 每次好詳細有耐心咁覆我
好快就決定左要揀Fairytale Wedding影Pre Wedding
今次我揀既係Jeju 201 風格好自然勁岩我心水
拍攝一星期前會聯絡您揀想影既景點 建議一定要揀海邊!
Hena 會同攝影師再夾個路線 同埋提多我一次注意事項 (真係超級細心!)
拍攝當日 大約10點要到化妝室 我地自駕過去都好易搵到
上到去工作室的姐姐們都好熱情 完全唔擔心溝通唔到
首先緊係要敷個保濕pad (韓國化妝必有環節
!)
敷緊其間Hena 已經係咁幫我揀裙 係我都唔知自己想要咩既時候
佢超有經驗咁揀我可能會中意既style 而且係冇限住我揀幾多條
當我覺得已經揀左好多既時候 Hena仲幫我揀多幾條比我試
頭飾 耳環 頭紗 全部都係免費租借 不過我中意自然d 就淨係拎左對耳環
之後就去左化妝同set頭啦! 韓國既化妝同set頭技術真係值得申遺!!
個日其實我已經病到死下死下 又謝又殘 心諗今次大獲啦
點知一化完個妝 set埋頭 直頭當左自己真係韓妹 個種自然妝感真係不得了
搞左一輪 隨行助手都到左化妝室 幫我地拎左勁多野
5月尾既濟洲唔知點解咁凍 成個過程佢一見到我唔洗拍攝 佢都會即刻比件褸我著 驚我凍親 仲會不停咁幫我整靚條裙 換裙換頭全部都係佢負責 換每一個造型我都勁中意
攝影師係韓國人 所以全程Hanna 都要幫手翻譯 (辛苦你了)
雖然大家直接溝通唔到 但過程充滿歡樂 冇拍攝經驗既我地 都變得有狀態
成個拍攝過程冇時間食飯 但係Hanna竟然幫我地預備左紫菜包飯
(太有愛了)
海邊個張想比大家睇下係Iphone 原圖直出!!! 真係靚到癲!!!
原文出處: 婚享同學會 Wedding Union