本身我同老公都係內向嘅人，亦都有啲怕同唔熟嘅人溝通（怕尷尬）
出發之前喺香港都有影過一輯室內為主嘅PreWedding，後來見到唔少frd去濟洲影相，見到咁靚嘅景都有啲心動，所以都係同老公了解下詳情。
本身都搵咗幾間做濟洲婚攝嘅公司，最後都係揀咗Fairytale wedding。主要係喺了解查詢階段嘅時候佢地都冇特別chur我地要落訂、反而會好有耐性解答晒我地嘅問題，例如流程、收費、化妝室、訂鮮花、意外改期etc... （因為同時搵咗另一間查詢，淨係不斷催我地先落訂，觀感唔係太好） 而重要係佢地嘅合作攝影師真係多，而且風格都好唔同，而且亦都有一位廣東話翻譯全程照顧（呢樣真係好重要！）我地個零兩個月前好急Book都好快幫我地安排到鐘意嘅風格攝影師~
講返拍攝當日流程，除咗當季嘅花海之外，Fairytale wedding都提供咗幾個場景畀我地揀，最後我地揀咗樹林同海邊，亦都加購咗鮮花球（花店都送咗好多襯花同襟花，係新鮮都用唔晒的🫣）
翻譯助手同司機朝早就喺約定時間前到酒店門口等你，會合之後就會去化妝室化妝同揀婚紗。化妝師係兩個好親切、有氣質嘅韓國化妝師，佢哋會按你喜歡嘅風格去調整妝容，盡量貼近自然，上妝過程都好細心，亦會主動問客人有無特別意見，連埋揀婚紗就大約3個小時左右。
化好妝就出發去拍攝啦，基本上全部都唔使操心，正副兩位攝影師都好有經驗，而且都會主動帶起氣氛之餘唔會令人尷尬。而且除咗翻譯之外仲有一位韓國助手姨姨，佢唔單止會幫你打理婚紗同妝容，仲好細心打點。途中翻譯亦都有準備食物畀我地，好貼心。
而完成拍攝之後大約兩星期就收到相啦，效果亦令我地好滿意，亦都係同香港影嘅唔同風格～最重要係成個package 都係懶人Friendly，完全唔洗準備，前後幾日都可以舒舒服服咁去旅行行街㖭！
原文出處: 婚享同學會 Wedding Union