·
一直都好期待去濟洲島影婚紗相,今次終於實現咗呢個夢想!成個韓國pre wedding拍攝旅程非常難忘又溫馨,真心多謝Fairytale Wedding團隊嘅安排。
拍攝嗰日我哋一早出發,喺濟洲島走訪咗幾個好靚嘅地方:有鋪滿白色蘿蔔花嘅花田、好靜好治癒嘅牧場、樹林入面陽光透落嚟嘅小徑,最後仲去咗海邊影日落。每個場景都有唔同感覺,有啲夢幻、有啲自然,海邊就特別浪漫。雖然當日真係又凍又大風,我哋都凍到震,但大家一齊咬緊牙關捱住影,相機一舉起又笑得返出嚟,影得開心之餘,其實都幾好玩。
換裝同整理造型都幾趕,但助手同化妝師手腳超快,唔拖時間。我哋喺咁凍嘅天氣底下,竟然可以影到咁多唔同風格嘅相,真係估唔到。中途見到對方咁投入、咁開心,嗰種「一齊經歷緊一段好特別回憶」嘅感覺,好深刻。
最想特別多謝拍攝助手 Hena,由頭到尾都好細心,不單止幫我哋做翻譯,仲會提點我哋點樣擺姿勢會自然啲、好睇啲,令我哋喺鏡頭前冇咁尷尬。佢同新娘助理換衫、整理頭髮都好快手,幫我哋減少咗喺寒風中等候嘅時間。最窩心嘅係,佢哋仲喺車上準備咗飯卷同零食,等我哋可以頂住成日拍攝,keep住笑容到最後。
當晚返到酒店,已經睇到佢哋 send 俾我哋嘅側拍,嗰一刻真係覺得辛苦都好值得,啲相靚到不得了~
原文出處: 婚享同學會 Wedding Union